تقطيع أو محشات الأصحاب

كنت جالسا في يوم من الأيام في الفصل بعد الفسحة جاء صديق لي من فصل آخر ، وسوى دمه خفيف وقام يحشني قدام عيال فصلي بمحشات بايخة ، بعضها فيها إفشاء لأسراري اللي أمنته عليها في يوم من الأيام ، وطبعا ضحك الفصل كله علي ، لأنه لما استخف دمه كان واقف عند باب الفصل ويتكلم بصوت عالي ، أشرت له بحركه يعني وقف عن المساخة لكنه تمادى والعيال لقيوها فرصة وصاروا يضحكوا بصوت عالي ونظرات السخرية قطعت وجهي .

أكيد تقولوا هذا الموقف عادي بين الأصحاب ،، أستنوا شويه أكلتها ولا صار شيء في يوم تاني جيته لفصله إللي له فيه حبايب كتير طبعا ، لأنه مسوي فيها الولد اللي ما حد قده ورديت المحشات حقت أول واسلتمته تقطيع لين عيال فصله والعيال اللي كانوا في السيب من الفصول التانية ضحكوا لين تقطعت بطونهم .

بعد الصرفة كنت منتظره أجلس معاه لين يجي السواق شافني وطنشني قلت يمكن ما شافني ، قمت ناديت عليه ما رد علي قلت يمكن ما سمعني ، راح وقف بعيد مع بعض الشباب لين جاء سواقه وروح وأنا طنشني .

اليوم التاني تغير علي وما جاء على المركاز اللي نجلس فيه كل يوم في المدرسة ، دورت عليه في الفسحة برضوا ما التقيته ، رحت لفصله لقيت وجهه مقلوب جيت لعنده سألته : إيشبك ؟
رد علي بزعل : اللي بيننا أنتهى !
سألته : ليش ؟
قال : ما يشرفني أعرفك !

خرجت من فصله وأنقطعت علاقتي فيه من ذاك اليوم ، والسبب محشات أو تقطيع لأحب وأعز صديق عندي خسرته بسبب محشات .

هذي القصة اللي قريتوها ما حصلت معايا حصلت لزميل لي وحكا لي بكل تفاصيلها ، أنا لو حصلت معايا أروح لبيته أو لفصله وأكتب على السبورة بخط كبير أنا آسف يا فلان لأني أعزك وما أبغا أخسرك وأتكلم قدام طلاب فصله كلهم وهوا يسمعني وأقول يا أخوان أنا غلطت على صديقي فلان وأرجوكم تقولوا له يسامحني وأنا آسف .

كان هذا إقتراحي لزميلي يسوي كذا إذا كان صاحبه يهمه أمره ولا يبغا يخسره ، لكنه رفض على حسب قوله يصغر نفسه عنده بعد ما قاله : ما تشرفني معرفتك !

إنتوا إيش تقترحوا على هذا الزميل يسويه عشان يرد صحبة صاحبه ؟

وقبل ما نختم

هل المحشات بين الأصحاب تزود الصحبة والمحبة ؟

وهل من الصداقة إنك تضحك الناس على صديقك بمحش يقصم ظهره ؟

وهل ينبغي عليك ترد المحش من صديقك بمحش أقوى عشان يصير الضحك عليه أقوى ؟

هل السخرية والمحشات من أساليب الصداقة الحديثة ؟

هل استبدل المجتمع الإحترام المتبادل بين الأصدقاء بأساليب التقطيع والمحشات ؟

هل ترونها أصبحت ظاهرة في مجتمعنا ؟ وهل هي سيئة أو جيدة ؟

وما الحل في كونها ظاهرة سيئة ؟ وكيف نعالج هذه الظاهرة .

أخوكم
fuad3d

مشكور وماقصرة

يعطيك آلعآآفيهـ وآلله لآ يجعلنآآ نخسر آعز آلآحبآآب ,,~

آآشــــــــكــــــركــــ عـــــــلــــــــى مــــــوضــــــــوووعـــــكـــــ آآلـــــــرآإئــــع

شكرا لكل من قام بالرد
ولو أنني كنت أتمنى أن نتشارك جميعا في الرأي
ويدلي كل واحد منا بدلوه
لعلنا نخرج بحل لهذه المعظلة